演說稿---拄著困難的時陣 107.7撰稿
俗語講:做牛就愛拖,做人就愛磨。各位評判老師,各位同學逐
家好,我是 號,今仔日我欲演說的題目是「拄著困難的時陣」
人講:一人煩惱一項,無人煩惱相仝!六月的中晝時,天氣燒熱, 親像是火燒埔,毋過我看到眠床頂的阿母,心肝親像冰角仝款,毋知欲按怎?阿母,你敢知?彼暝,佇夜市仔做生意的時陣,阿爸看你昏去,生意也袂得顧,伊誠緊張隨三步作兩步走,趕緊共你送去病院,醫生講你的身體傷忝頭,年久月深袂堪得,予阮逐家一粒頭兩粒大!
隔轉工,面憂憂的阿爸緊走去廟裡跋桮,看著阿爸一面跋,一面
共佛祖講,一擺閣一擺,攏是笑桮,我佇邊仔袂安心一直問:哪會按呢?
阿母是按怎啦?落尾阿爸才講:佛祖講你阿母無代誌啦!紲落來,看著
阿爸對橐袋仔撏一百箍出來添油香,一个錢拍二四个結,儉腸捏肚的阿爸,
原來拄著困難的時陣,嘛是誠慷慨!
講到烏焦瘦的阿爸,自從伊失業沒頭路,這幾年來,不時看伊憂頭
結面,彼種表情予我一生難忘!好佳哉阿母有好手藝,若講著煮食,毋是我
咧臭彈,阿母煮食的功夫真正是一流的,定定予我喙瀾㴙㴙滴,毋管是煎的、
炒的、滷的….,逐項料理,袂輸餐廳的總鋪師咧,逐家攏對伊呵咾甲會觸舌,
原本阿母是為著欲予阮姐弟仔食飽閣食巧,會定定換菜色,學新的物件煮予阮食,真 |