我上愛唱的囡仔歌
沈鈴惠 撰
各位評判老師、各位好朋友，逐家好，我是編號第 00 號，今仔日欲
演說的題目是「我上愛唱的囡仔歌」
佇我細漢的時陣，阿爸講：「我上愛綴伊行上行落，伊就牽我的
手若行若唱歌予我聽，我就若行頭若晃，若搖尻川花，喙裡吚吚喔喔，
毋知咧唱啥物，毋過感覺有夠古錐」。阿母講：「我遺傳著阿爸愛唱歌，
佇伊腹肚內的時陣，若佇咧聽音樂，就共伊的腹肚大細下踢，彼个時
陣，就感覺我大漢會是一個愛唱歌的囡仔」。
唱歌是我生活的針油，抑是我上快樂的代誌，有當時，當頭白日
閣會做眠夢，掠準家己是一个世界有名的歌星，就大聲一直唱一直唱，
唱這首我上愛唱的囡仔歌，「西北雨」。
西北雨直直落，鯽仔魚欲