我的心內話
沈鈴惠撰
各位評判老師、各位好朋友，逐家好，我是編號第 00 號，今仔日欲
演說的題目是「我的心內話」
講就我的心內話，就予我想著這塊「心事啥人知」的歌曲，「心
事若無講出來，有誰人會知」，歇熱兩個月連鞭就過去矣，又閣是新
的一學期，日時上課，暗時補習。
平常時佇學校上課，有英語、國語愛背，國語逐工咧講真緊就背
起來，阿若，彼英語就害囉！今仔日背背咧，明仔載就還予老師，袂
記得了了，閣有較悽慘的數學，是予我算甲一粒頭兩粒大，頭昏昏惱
鈍鈍，規粒頭殼強欲衝煙，其他就較袂予我操煩，老師有勉勵阮講：
「捷講喙會順，捷做手袂鈍，」我抑是愛較骨力拍拚咧，才綴會著跤
步；阿若體育課，我上勇！走咧規若輾，嘛袂喝忝!運動拍球共垃圾
汗流流掉，予我規身軀齊輕鬆，人講：「活動，活動，欲活就愛動」
雖然讀冊真重要，毋過我感覺身體健康愈重要。
前一站仔，隔壁的叔伯阿兄，猶未 50 歲就來得著心臟病，血管
去予塞咧，蹛院幾落工，厝裡的人，無閒這，無閒彼，連我嘛替 緊
張，真正予人煩惱，伊平常時上班，無常在咧運動，真正若無健康的
身體，啥物代誌攏無法度做，莫怪古早人講「健康的身體就是財富」。 :
天未光，雞未啼，就去東爿山的蘭潭行路、拍
太極拳，伊已經七十外，面色猶是「紅膏赤蠘」，「老骨