01 阮兜的早頓
黃文俊
自我有記持開始,阮兜的早頓就是阿爸一國、阿母佮
阮兄弟仔一國。我讀幼稚園的時,逐工透早阿母就共早頓
攢好勢,有時陣是牛奶配俗麭1,若無就是豆奶配饅頭抑是
包仔。
逐工早起,當阮咧食早頓的時,阿爸攏佇邊仔咧看報
紙。我就問阿爸哪無欲做伙食?阿爸攏應講伊食飽矣!想
袂到阿爸遐早就食飽矣,伊是食啥物好料的攏毋予阮知
咧?
捌聽阿媽講起,阿爸細漢的時,厝內囡仔大陣。猶閣
蹛佇庄跤的時,阿公佮阿媽足早就愛去作穡,早起攏煮一
大坩糜,等阿爸兄弟仔精神了後,配一寡仔菜脯、蔭瓜
仔,凊彩扒扒咧就去讀冊矣。阿媽閣講過,阿爸細漢的時
足歹喙斗,佇庄跤食糜配醬菜的日子,逐工攏嘛面憂面結,
啥物都無愛食,毋才會生做黃酸黃酸。
講嘛奇怪,搬去臺北了後,阿公佮阿媽無閒咧做生理,
早頓攏叫阿爸家己提銀角仔去菜市仔買,伊煞親像囡仔咧
轉骨仝款,開脾矣!今仔日食蚵仔麵線、明仔載買肉羹麵,
若無就是米粉炒配豬血湯。就按呢,阮阿爸的早頓就沓沓
仔變成菜市仔口味的綜合版,真僫得改矣!
阿母講伊佮阿爸拄交往的時陣,毋知阿爸愛食彼款重
口味的早頓,有當時仔阿爸會
|
|
|
發佈者:本站 來源:
鄭冠仁 日期:2018-03-22 14:13:35
|